डोटी / सुदूरपश्चिम प्रदेश मा हरेक वर्ष गर्मीयाम सुरु भएसँगै बनडडेलोको समस्या गम्भीर रूपमा देखिने गरेको छ ।
सरकारी पक्षले बन डडेलो नियन्त्रणका लागी विभिन्न योजनाहरु बनाई लागु गरेको भएपनि स्थानियबासीन्दा तथा नागरिकहरु सचेत हुन नसक्दा गर्मियामको समयमा सुदुरपश्चिमका अधिकाशं बनहरु जलेर खरानी हुने गरेको देखिएको छ ।
लामो खडेरी, अत्यधिक गर्मी, वन क्षेत्रमा सुक्खा पातको थुप्रो तथा मानवीय लापरवाहीका कारण प्रदेशका अधिकांश जिल्लामा वन आगलागीका घटना दोहोरिने गरेको सरोकारवालाहरु बताउन्छन् ।
विशेष गरी डडेल्धुरा, डोटी, बैतडी, अछाम, बझाङ र कैलाली लगायतका जिल्लामा प्रत्येक वर्ष सयौं हेक्टर वन क्षेत्र आगलागीबाट प्रभावित हुने गरेका छन् । बनडडेलोका कारण बहुमूल्य वन सम्पदा नष्ट हुनुका साथै जडीबुटी, वन्यजन्तु, चराचुरुङ्गी र वातावरणमा समेत गम्भीर असर पर्ने गरेको सरोकारवालाहरू बताउँछन् ।
बनडडेलो नियन्त्रण सरकारी निकायको मात्र जिम्मेवारी नभई स्थानीय समुदाय, सामुदायिक वन समूह, सुरक्षा निकाय र सर्वसाधारणको साझा दायित्व हो । समयमै सचेतना, प्रभावकारी योजना र सामूहिक प्रयास गर्न सके सुदूरपश्चिममा वर्षेनी दोहोरिने बनडडेलोको समस्या न्यूनीकरण गर्न सकिने विश्वास गर्न सकिन्छ ।
